Бастауыш мектепке қазақ тілін дамыта оқыту арқылы морфологиялық ұғымдар қалыптастыру әдістемесі (3-4 сыныптар)

Еліміз іргесі кеңейіп, әлемдік деңгейге көтерілуі, өркениетті қоғам орнатып, құқықты мемлекет болып қалыптасуы барысында жас ұрпаққа ұлттық тәлім-тәрбие мен білім берілуде. Білім мен ғылымның Қазақстан дамуына оңтайлы әсер етуі үшін білім беруді одан әрі ізгілендіру, оқыту жүйесін замана талабына сай үйлестіре алу міндеті туындауда. Ал бұл қазақ мектебіндегі оқыту мен оның мазмұнын жетілдіруді, жаңа әдіснамалық тұрғыдан қарастыруды талап етеді. Әлбетте, жаңа әдіснамалық жүйе оқытудың нәтижесін алдын-ала болжап, жеке тұлғаны қалыптастыруда өз бетімен білім алу қабілеттерін дамыту қажеттілігі туындайды.